Matapos magkaroon ng ilang komplikasyon sa kalusugan ngayon taon kabilang na ang pag-atake ng hyperglycemia o pagtaas ng glucose sa dugo, tuluyan nanag namaalam ang batikang aktres at komedyante na si Elizabeth Ramsey ngayong Huwebes.
Ayon sa Facebook post ng anak niyang si Jaya, pumanaw ang kaniyang ina sa edad na 83 habang natutulog.
“Mama Beth is now with our Lord... 83 years has been full. Love and laughter, she has given not just our family but the whole nation. Thank you for your love and prayers and I rejoice because she passes in her sleep. In peace.” paliwanag ng Queen of Soul at 'Marimar' star.
Matatandaang itinakbo sa Intensive Care Unit si Elizabeth noong Agosto matapos ang tatlong oras na seizure, ngunit naging stable rin ang kalagayan nito matapos gamutin.
Nagkaroon man ng tampuhan ang mag-ina, tinutukan pa rin ni Jaya ang pag-aalaga rito hanggang sa pamamaalam niya ngayong araw.
Inaalala ngayon ang Visayan stand-up comedienne na tinaguriang' Queen of Rock and Roll' sa mga naging ambag niya sa industriya, na nagsimula matapos siyang magwago sa singing contest ng noontime show na 'Student Canteer' noong 1958.