Ang dalawang klase ng sibuyas na ito ay itinuturing na superfoods. Kapag sinabing superfood, ang ibig sabihin ay hitik na hitkk sa benepisyo.
• Parehong may taglay na anti-carcinogenic, antiviral, antibacterial at antioxidant.
• Parehong mababa ang taglay na calorie. Mababa ang glycemic index ng pula at puting sibuyas. Pabor sa mga conscious sa blood sugar, mga diabetic o umiiwas magkaroon ng diabetes.
• Parehong may 10% ng Vitamin C at calcium per serving pero mas marami ang taglay na fiber ng pula.
• Mas mataas ang taglay na antioxidant at cancer fighting properties ng pulang sibuyas. May flavonoids at sulfur ang puting sibuyas na nakatutulong sa blood thinning pero mas marami ang nasa pula.
• Ang antioxidant na flavonoids ay matatagpuan sa pinakalabas (outermost) na balat kaya hindi dapat ito tinatanggal. Ayon sa pag-aaral, ang nasa first 2 layers ng sibuyas ay 75% antioxidant na anthocyanins na mabisa para makaiwas tayo sa maraming sakit.
• Hindi porke maraming benepisyo, ang pagkain ng sibuyas ay hindi ginagawang bisyo. Puti man o pula, inirerekomenda ang pagkain ng 3 lang sibuyas sa loob ng isang linggo. Basta dapat may isang pulang sibuyas na kasama sa tatlo. Huwag kalimutang magsipilyo.